أعطيت خائفيك راية تُرفع لأجل الحق. لكي ينجو أحباؤك. خلص بيمينك واستجب لي
الراية اللي أعطيتها لخائفيك يا ربي يسوع هي: الصليب ... الصليب هو العلامة اللي أعطيتها لعبيدك ليهربوا من وجه القوس، و ليسدّوا بها أفواه الأسود، و ليطفئوا بها قوة النار، و يُخرجوا بها الشياطين، و ليتسلّطوا بها على أعدائهم، و ليشفوا بها كل مرض ... زي ما بنصلّي في إبصالية الجمعة.
- الصليب اللي في عينين ناس كتير هو ضَعف و هوان هو سبب القوة و الافتخار
- الصليب هو الطريق للقيامة
- الصليب هو اللي فيه خزى إبليس بكبرياؤه و غروره و شرّه ... و بقى الصليب هو سبب رعبه الدائم
- في الصليب يا يسوع أظهرت بالضَعف ما هو أعظم من القوة ، لأنك به أبطلت سلطان الخطية و الموت و جدّدت طبيعتنا و عن طريقه رجّعتنا للفردوس و الحياة الأبدية
بولس الرسول بيقول: 'مع المسيح صُلبت فأحيا لا أنا بل المسيح يحيا فيّ' ... صُلبت مع المسيح في يوم المعمودية ، يوم ما جحدت إبليس و كل شروره، و رفضته هو و طرقه و حيَله ... يومها عاهدت ربنا يسوع المسيح إني أكون له، أعيش لمن مات بالصليب لأجلي و قام ... يوم المعمودية مات آدم القديم ليحيا آدم التاني: الرب يسوع فيّ
كلّمنا
🤔
إيه رأيك في التأمل و الصلاة؟ هل ساعدك تفهم الآية و تحفظها و تصلّيها و تعيش بيها؟ ...
🥰
إيه اللي عاجبك و حابب نركّز عليه أكتر؟
💡
إيه اللي مش عاجبك و حاسس إننا لازم نعمله أحسن؟ إزاي نطور و
نحسن نفسنا؟
أي تعليق أو اقتراح هيفيدنا جداً