ذيكو
نشيد الأنشاد
قدس الأقداس في العهد القديم
ليه ندرس عهد قديم؟
"فتشوا الكتب لأنكم تظنون أن لكم فيها حياة أبدية. وهي التي تشهد لي"
وصية واضحة من ربنا لدراسة العهد القديم (تلتين الكتاب المقدس) ...
- مانقدرش نستوعب العهد الجديد صح غير من خلال نبوات و أحداث العهد القديم
- ربنا هو هو أمس و اليوم ... و كذلك الإنسان ... العهد القديم غني جداً في شرح معاملات ربنا مع الإنسان بطريقة تخلينا نفهم ربنا
- الكلام ده اتكتب عشاننا (الوعود و الوصايا لا تتغيّر) ... ربنا كمّل لنا (لم آت لأنقض بل لأكمل)
- عدد الإصحاحات: 8
-
ظروف الكتابة:
- كتبه الملك سليمان الحكيم أيام شبابه بعد بناء الهيكل مباشرة (بعد سفر الأمثال) لمّا كان قلبه زي داود مشتعل بمحبة ربنا
- سليمان ابن داود بالجسد يعبر رمزياً عن محبة العريس الحقيقي (السيد المسيح ابن داود الحقيقي) له: شخصية العروس اسمها (شولميث) مؤنث سليمان
-
هدف السفر:
- سفر البتوليين: يعلمنا علاقة الحب الحقيقي العميق مع ربنا (اللي فيه صوم و صلاة و زهد و سهر روحي)
- يبين لنا ربنا يسوع العريس المثالي الكامل، الملك الحقيقي، الراعي الصالح
- رغم إنه سفر رمزي روحي (مش حرفي مباشر) لكنه يمثل أيقونة رائعة للزواج المسيحي
-
مفاتيح فهم السفر:
- أكتر سفر يتعرض للهجوم و التشكيك في الكتاب المقدس لأن طابعه شعر غزلي .. غير المؤمنين يتصوروا إنه بين واحد و حبيبته و بالتالي لا يليق أن يكون في الكتاب المقدس، لكن الكنيسة فهمته صح (بطريقة روحية رمزية) أن العريس هو السيد المسيح (زي ما قال عن نفسه في العهد الجديد) و العروس هي كنيسته (و كل نفس بشرية)
- و الدليل إن العريس بيقول للعروس: أختي (ده لأن المسيح أخذ جسد زينا) .. و بيقول تشبيهات عنها مالهاش علاقة بالغزل أو الجمال
- تشبيه العلاقة بين ربنا و بيننا بعلاقة العريس و العروس تكررت في الكتاب المقدس (زي سفر حزقيال 16 و هوشع و إشعياء وإرميا و العهد الجديد)
- اسمه (نشيد الأنشاد) لأنه أحسن نشيد في كل الأناشيد … لأن أرقى نشيد وأرقى حب هو بين الله والإنسان
- عشان نعرف نشبه المحبة بيننا و بين ربنا كان لازم نستعين بأقوى علاقة حب مقدس خاص بين البشر: الزواج … طبعاً زي ما بنقول في القداس (ليس شيء من النطق يستطيع أن يحد لجة محبتك للبشر)، مهما حاول الإنسان مش هيقدر يوصف صح
# 1: العريس و العروس
إصحاح 1 ل 8
-
الإصحاح الأول: لقاء النفس التائبة (السوداء) مع محبة ربنا
و حضن ربنا المفتوح على الصليب (زي الابن الضال)
و الكنيسة أخذت المعنى ده و عملت:
1) حضن الآب يستقبل كل واحد داخل الكنيسة
2) أيقونة الصليب أعلى حاجة باينة جوة الكنيسة
3) الشورية يعدي بيها أبونا يبخر وسط الشعب (الناردين) … الشعب ساعتها يقدم توبة
4) الأيقونات في الكنيسة (الرعاة)المعاني الروحية في الإصحاح الأول الكلمة المعنى قبلات فمه حضن ربنا و كلامه المشجع لكل الخطاة التائبين (زي الأب في مثل الابن الضال) حجاله هيكل قدسه الشمس قد لوّحتني الخطية و المشغولية الزيادة في العالم آثار الغنم / العذارى طريق القديسين اللي سبقونا في الحياة الروحية و بيفرحوا في توبتنا فَرَس في مركبات فرعون السرعة في التوبة أفاحَ نارديني رائحته التوبة الحقيقية و سكب الطيب على قدمي السيد المسيح بين ثدييّ يبيت ربنا يسكن في قلبي وحده عيناك حمامتان توبتك مقبولة و أصبحتي نقية كالحمام سريرنا أخضر. جوائز بيتنا أّرز، و روافدنا سرو نتيجة إنك يا رب على عود الصليب (و أنا معك صُلِبت) هي حياة -
الإصحاح الثاني: الصليب و القيامة
و العهد الجديد و اشتياقات المجيء الثاني
و الكنيسة أخذت المعنى ده و عملت:
1) في الجمعة العظيمة: الدفنة في الساعة 12 و المزامير لحد (أنا اضطجعت و نمت)
2) في تمثيلية القيامة: يفك الصورة و يعمل زفة القيامة بأعلام النصرة البيضاء اللي فيها الصليب و القيامة مع الأطياب التي استخدمت في الدفنةالمعاني الروحية في الإصحاح الثاني الكلمة المعنى السوسنة بين الشوك الزهرة البيضاء الجميلة … ملح الأرض ونور العالم المظلم بالخطية تحت ظله اشتهيت أن أجلس، و ثمرته حلوة لحلقي. أدخلني إلى بيت الخمر، و عَلَمه فوقي محبة حواء تحت ظل شجرة معرفة الخير والشر أكلت من الثمرة اللي مرّرت حياتنا بالخطية.
عروس النشيد تحت الصليب علامة محبة الله (الساكن في عون العلي يستريح في ظل إله السماء) تتناول من جسد السيد المسيح و دمه في الكنيسة (بيت الفرح)شماله تحت رأسي ويمينه تعانقني في وسط منكبيه يظللك وتحت جناحيه تعتصم
زي الطفل اللي حاسس بالأمان في حضن أبيهلا توقظن ولا تنبهن الحبيب حتى يشاء السيد المسيح مات بإرادته على الصليب و قام بإرادته صوت حبيبي. هوذا آت طافرا على الجبال، قافزا على التلال. حبيبي هو شبيه بالظبي أو بغفر الأيائل. هوذا واقف وراء حائطنا، يتطلع من الكوى، يوصوص من الشبابيك. أجاب حبيبي وقال لي: «قومي يا حبيبتي، يا جميلتي وتعالي. السيد المسيح المنتصر على الشيطان يبشر كل واحد فينا و يدعوه بالطريقة اللي تناسبه للحياة الجديدة لأن الشتاء قد مضى، والمطر مر وزال. الزهور ظهرت في الأرض. بلغ أوان القضب، وصوت اليمامة سمع في أرضنا. التينة أخرجت فجها، وقعال الكروم تفيح رائحتها زمن سلطان الخطية خلاص راح و الروح القدس حلّ علينا و بدأ زمن النعمة و الفضائل و الثمار الروحية في كنيسة العهد الجديد يا حمامتي في محاجئ الصخر، في ستر المعاقل، أريني وجهك، أسمعيني صوتك، لأن صوتك لطيف ووجهك جميل. السيد المسيح يدعو النفس البشرية تلتقي معه في الصلاة خذوا لنا الثعالب، الثعالب الصغار المفسدة الكروم، لأن كرومنا قد أقعلت. الثعالب = الشياطبن و حيلهم إلى أن يفيح النهار وتنهزم الظلال، ارجع وأشبه يا حبيبي الظبي أو غفر الأيائل على الجبال المشعبة في انتظار المجيء الثاني: أمين تعالى أيها الرب يسوع -
الإصحاح الثالث: الانتصار على حرب الفتور و الراحة
لكن العروس هنا حاسبت نفسها و تابت بسرعة و اجتهدت في البحث عن العريس و عادت إليه بسرعة (عن طريق الخدام) و تمسكت به بكل قوّتها … و العريس فرح بها ودعاها إلى كنيسته وسط قديسيه
و الكنيسة أخذت المعنى ده و عملت: (كلهم قابضون سيوفا ومتعلمون الحرب) دي السيوف الروحية اللي في يد الشهداء في الأيقونات
المعاني الروحية في الإصحاح الثالث الكلمة المعنى الحرس الخدام الأسواق الفضائل بيت أمي و حجرة من حبلت بي الكنيسة و جرن المعمودية كأعمدة دخان الصلاة الحقيقية اللي زي البخور سليمان حوله ستون جباراً / بنات أورشليم السيد المسيح حواليه القديسين الأقوياء في الحروب الروحية التاج الذي توجته به أمه في يوم عرسه تاج الصليب اللي الأمة اليهودية كللت به السيد المسيح على الصليب -
الإصحاح الرابع: محبة العريس الغامرة
العريس السماوي يطوّب النفس البشرية التائبة ب 8 صفات تشبه التطويبات في الموعظة على الجبل و 9 ثمار الروح القدس
الإصحاح ده ينطبق تماماً على أمنا العدرا
المعاني الروحية في الإصحاح الرابع الكلمة المعنى عيناك حمامتان المساكين بالروح شعرك كقطيع معز رابض على جبل جلعاد. الحزانى الآن (جبل جلعاد جميل جداً زي الإنسان الروحي المليان فضائل، و تغطيته بالأسود معناه الحزن اللي في العالم) أسنانك كقطيع الجزائز الصادرة من الغسل الودعاء (الأسنان = الابتسامة = الوداعة) شفتاك كسلكة من القرمز الجياع والعطاش إلى البر (التناول من دم المسيح) فمك حلو الرحماء (اللي بيقولوا كلام حلو و تشجيع) خدك كفلقة رمانة تحت نقابك أنقياء القلب (اللي في حالة توبة و خجل) عنقك كبرج داود المبني للأسلحة. ألف مجن علق عليه، كلها أتراس الجبابرة صانعي السلام (زي ما داود عمل كل العتاد ده عشان يحافظ على سلام بلده) ثدياك كخشفتي ظبية، توأمين يرعيان بين السوسن المطرودين من أجل البر (الثديان إشارة للعهد القديم و الجديد، و الخشفة دي زهرة بيضاء لكن ترعى بين الشوك … زي القديسين وسط الآلام) أذهب إلى جبل المر وإلى تل اللبان طوبى لكم إذا طردوكم و عيّروكم .. أجركم عظيم في السموات (الحياة فيها المر و فيها الحلو) قد سبيت قلبي بإحدى عينيك العين الداخلية = الإنسان الداخلي (من جوة) بقلادة واحدة من عنقك وصايا ربنا شاغلة قلب العروس أختي العروس جنة مغلقة، عين مقفلة، ينبوع مختوم مافيش مكان جواها غير لحبيبها أغراسك فردوس رمان مع أثمار نفيسة، فاغية وناردين. ناردين وكركم. قصب الذريرة وقرفة، مع كل عود اللبان. مر وعود مع كل أنفس الأطياب. ينبوع جنات، بئر مياه حية، وسيول من لبنان. دي 9 نباتات كانت تستخدم في عمل دهن المسحة، و دلوقتي بيتعمل منها الميرون => رمز ل 9 ثمار الروح القدس -
الإصحاح الخامس: حالة تبلُّد روحي
- العروس هنا وقعت في حالة نوم روحي (مشغولية تامة في العالم)
- و السيد المسيح يقرع على بابها حتى تتوب وتعود، لكن النفس البشرية تستمر في حالة الكسل
- و يبتعد العريس عن عروسه التي تخرج لتبحث عنه، لكنها تكتشف قسوة الحياة في البعد عن نعمته
- و تبدأ العروس في تذكر شكل حبيبها و صفاته الرائعة (تشبه جداً الصفات اللي في سفر الرؤيا)
و الكنيسة أخذت المعنى ده و عملت: طقس القسمة اللي فيها أبونا بيقسم الجسد بطريقة معينة (رأس و أطراف) و يخضبه بالدم شبه الصفات اللي وصفت بها العروس عريسها … و مع كل جزء تئن عليه أحشائنا صارخين (كيرييليسون كيرييليسون يا رب ارحم)
المعاني الروحية في الإصحاح الخامس الكلمة المعنى كلوا أيها الأصحاب. اشربوا واسكروا أيها الأحباء ربنا بيقول للقديسين: افرحوا بتوبة و فضائل هذه النفس التائبة (من الإصحاح اللي فات) أنا نائمة وقلبي مستيقظ أنا عايش لكن مكسل عن كل الممارسات الروحية حبيبي مد يده من الكوة، فأنّت عليه أحشائي بسبب أثر المسامير في يده بسبب خطاياي طلبته فما وجدته. دعوته فما أجابني من حكمة ربنا إن النعمة ممكن تفارق الإنسان شوية (بتأديب) عشان يعرف صورة الحياة بعيد عن ربنا الحرس الطائف في المدينة حرس مزيّف (شياطين) حبيبي أبيض وأحمر. مُعلَم بين ربوة فوق علامة الصليب على ربوة الجلجثة، شفنا المسيح النقي الأبيض مخضب بالدماء رأسه ذهب إبريز. قُصَصه مسترسلة حالكة كالغراب. لاهوت و ناسوت شفتاه سوسن تقطران مرا مائعا سقوه خلاً على الصليب بطنه عاج أبيض مغلف بالياقوت الأزرق أحشاء رأفة المسيح على الصليب -
الإصحاح السادس: العروس تجد العريس
في قلبها، لازال يحبها ويذكرها بنفس الصفات القديمة الجميلة
و الكنيسة أخذت المعنى ده و عملت: الأيقونات تمثل القديسين في حالة مجد (الحالة النهائية الأبدية) مش في حالة الجهاد الوقتي
المعاني الروحية في الإصحاح السادس الكلمة المعنى حبيبي نزل إلى جنته، إلى خمائل الطيب، ليرعى في الجنات، ويجمع السوسن زي ما القديس أوغسطينوس قال إنه فتّش عن ربنا … و لقاه في قلبه حوِّلي عني عينيك فإنهما قد غلبتاني الجهاد و دموع التوبة واحدة هي حمامتي كاملتي. الوحيدة لأمها هي أمنا العدرا فخر الكنيسة نزلت إلى جنة الجوز لأنظر إلى خضر الوادي الجهاد الروحي لاقتناء الفضائل و الثمار الروحية -
الإصحاح السابع: اكتمال توبة العروس و رجوعها لعريسها
نقدر ناخد الإصحاح ده دليل لنا قبل الاعتراف، نقيس أنفسنا على الصفات اللي العريس بيحبها في العروس
المعاني الروحية في الإصحاح السابع الكلمة المعنى ما أجمل رجليك بالنعلين زي الابن الضال اللي لما تاب أعطاه أبوه نعلين دوائر فخذيك مثل الحلي سرعة التوبة (المفاصل بتدّي سرعة في الحركة) سُرّتك كأس مدورة السُرّة رمز للارتباط و العلاقات … التوبة تفك ارتباطنا بالعالم و ترجعنا للّه بطنك صبرة حنطة فيها جسد المسيح مش ماديات العالم ثدياك كخشفتين، توأمي ظبية الثديين = العهد القديم و الجديد … و التوأمين = أعظم وصيتين (تحب الرب إلهك و تحب قريبك كنفسك) عنقك كبرج من عاج العنق = الاحتمال و الجهاد ضد الخطية عيناك كالبِرَك في حشبون شايف الناس زي السمك و عايز يصطادهم لسكة ربنا أنفك كبرج لبنان الناظر تجاه دمشق تمييز الحروب الروحية زي ما الأنف تميّز الروائح رأسك عليك مثل الكرمل أفكارك مقدسة زي الأنبياء (جبل الكرمل عاش عليه إيليا) وشعر رأسك كأرجوان التكريس لربنا (زي شمشون) وحنكك كأجود الخمر التسابيح المفرحة تعال يا حبيبي لنخرج إلى الحقل، ولَنِبت في القرى الخروج من العالم (الخلوة) لنبكرن إلى الكروم، لننظر: هل أزهر الكرم؟ هل تفتح القعال؟ هل نور الرمان؟ هنالك أعطيك حبي ثمار النفس التائبة وعند أبوابنا كل النفائس من جديدة وقديمة النفوس اللي كسبتها لربنا -
الإصحاح الثامن: النفس البشرية مع حبيبها للأبد و تشفع في من على الأرض
- العروس: نفسي يا رب أشوفك و كل الناس تشوفك … أتعلم من أمي الكنيسة إزاي أفرّحك و أتحد بك إلى مجيئك الثاني
- الأصدقاء: (و هم شايفين العروس صاعدة للسماء بعد ما انتقلت من العالم) فرحانين بيكي أيتها العروس المستندة على عريسها
- العروس: ده عريسي اللي خطبني بدم صليبه بعد ما تجسد مثلنا. أنا عايزة أتحد بك يا عريسي للأبد، لأن حبك جوايا زي النار اللي مش ممكن تطفيها تجارب العالم … و مش ممكن أي ثروة تعوضها
- الأصدقاء: طيب و الناس اللي لسة على الأرض بس أطفال في الحياة الروحية (مش عارفين وصايا ربنا)، إزاي يوصلوا زيك أيتها العروس؟
- العريس: يعملوا لأنفسهم أسوار عن العالم و أنا هابني كلمتي داخل قلوبهم و أضع سوراً يحميهم ضد عدو الخير
- العروس: أشكرك يا رب لأنك عملت معايا كده
الختام: (زي مثل الكرامين) ربنا له شعب أعطاه وزنات و يطلب منه ثمر … و اللي يكسب ثمر لربنا له 100 ضعف مكافأة و تكون معه في سماه … أسرع يا رب و تعالى خُدنا إلى سماك
خذوا لنا الثعالب، الثعالب الصغار المفسدة الكروم
نشيد الأنشاد 2 : 15
- الثعالب الصغيرة = خطايا تبان صغيرة لكنها تدمر الحياة الروحية ... نقدر نسمع أكتر في الوعظة دي
نتعلّم إيه؟
السفر ده فيه رجاء عظيم جداً في محبة ربنا لنا (لا تزول أبداً) و رجاء لنا في التوبة و الرجوع إلى الله بنهاية سعيدة أبدية معه و مع القديسين
يا رب خليني أتعلم من العروس الشاطرة اللي كانت سريعة في توبتها و أمينة و مستمرة في طلبها لك
تأملات على آيات السفر
# تأمل
نشيد الأنشاد 1 : 15
ها أنت جميلة يا حبيبتي، ها أنت جميلة
# تأمل
نشيد الأنشاد 4 : 12
أختي العروس جنة مغلقة، عين مقفلة، ينبوع مختوم.
أيوب
السفر ده بيكشف لنا عن السؤال الصعب عن علاقة الله بمعاناة الإنسان. بيعلّمنا حتى لو إحنا في أحيان كتير مش فاهمين سبب التجربة و المعاناة، دايماً نقدر نروح لربنا بحزننا و ألمنا .. و كلنا ثقة إنه بيعمل لخيرنا. ماتدوّرش على سبب التجربة و انت فيها لأنك غالباً مش هاتفهم .. دوّر على ربنا و صلّي و قُل له: يا رب ماذا تريد أن أفعل؟ أنا موجوع جداً و لكن عندي ثقة فيك و في حكمتك و في النهاية السعيدة
مزامير - الجزء الأول (مزمور 1 و 2)
سفر المزامير يحكي الكتاب المقدس كله بطريقة شعرية .. السفر ده بيعلّمنا أهمية الصلاة و قوة التسبحة
مزامير - الجزء التاني (مزمور 3 ل 41)
سفر المزامير يحكي الكتاب المقدس كله بطريقة شعرية .. السفر ده بيعلّمنا أهمية الصلاة و قوة التسبحة
كلّمنا
🤔
إيه رأيك في الملخص ده و طريقة الصفحة دي؟ هل سهّل عليك إنك تتابع السفر و تفهمه و تفتكر ملخّصه؟
🥰
إيه اللي عاجبك و حابب نركّز عليه أكتر؟
💡
إيه اللي مش عاجبك و حاسس إننا لازم نعمله أحسن؟ إزاي نطور و
نحسن نفسنا؟
أي تعليق أو اقتراح هيفيدنا جداً