# تأمل

هكذا قال السيد الرب: 'هلم يا روح من الرياح الأربع وهب على هؤلاء القتلى ليحيوا' فتنبأت كما أمرني، فدخل فيهم الروح، فحيوا وقاموا على أقدامهم جيش عظيم جداً جداً

حزقيال 37 : 9 و 10
خدام مدرسة مار إفرام السرياني

رؤية عظيمة جداً رآها حزقيال النبي: وادي مليان عظام يابسة جداً ... يعني موت و منظر محزن جداً و صعب، حالة ميئوس منها. لكن الله أمر حزقيال إنه ينادي على الروح عشان يدخل العظام دي و يحييها ... و فعلاً عاشوا من تاني و قاموا ... مش بس كده، أصبحوا جيش عظيم و قوي جداً جداً

دي نبوة رائعة عن عمل الروح القدس، روح الله ذاته داخلنا ... حتى لو كنت في حالة ضعف و موت و تيبّس و حزن شديد ... الروح القدس يرويني بعمل الله من أجلي: يأخذ مما للمسيح و يعطيني

  • المسيح انتصر على الشيطان ... روحه القدوس يعطيني النُصرة
  • السيد المسيح عاش كإنسان بقداسة كاملة ... الروح القدس يقدّسني و يكرّسني لله
  • الرب يسوع قام من الموت و غلبه ... روحه القدوس يعطيني أغلب كل ضعف في حياتي
المهم أمَكّن الروح القدس إنه يقود حياتي .. أطيعه ... و زي ما أوصانا القديس بولس الرسول: لا تطفئوا الروح ... لا تحزنوا الروح ... لا تقاوموا الروح

أيها الملك السمائي المُعَزّي، روح الحق، الحاضر في كل مكان والمالئ الكل، كنز الصالحات، ومعطى الحياة، هلم تفضل وحل فينا، وطهرنا من كل دنس أيها الصالح، وخلص نفوسنا.

أمين

ملخص السفر

الأنبياء الكبار

حزقيال

ربنا بيظهر لحزقيال و هو مسبي في بابل .. و حزقيال كشخص عنده إيمان و أمانة هايوصّل رسالة ربنا لشعبه .. و نبوات و رؤى حزقيال بتفتح لنا آفاق روحية جديدة فيها خطة ربنا لخلاص البشرية

عدل الله مصدر للرجاء
547
التفاصيل
Prev
Next

كلّمنا

🤔 إيه رأيك في التأمل و الصلاة؟ هل ساعدك تفهم الآية و تحفظها و تصلّيها و تعيش بيها؟ ...
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً