تثنية

• تعيين موسى رؤساء ألوف ومئات يساعدونه في القضاء للشعب - عدد 11
• إرسالهم جواسيس لاستكشاف أرض الموعد و تذمرهم على الرب - عدد 13 و 14
• الترحال من سيناء إلى موآب مروراً بجبل ساعبر و أرض موآب وعمون (بدون قتال)، و انتصاراً على سيحون و عوج (تحريم هذين الشعبين و امتلاك أرضهم) - عدد 21
• موت كل رجال الحرب من الجيل القديم اللي لم يصدق إنهم يقدروا يمتلكوا أرض الموعد وقت إرسال الجواسيس - عدد 26
• تقسيم أرض شرق الأردن (سيحون و عوج) على سبطيّ رأوبين وجاد ونصف سبط منسّى - عدد 32
• عقاب موسى بعدم دخول أرض الموعد - عدد 20

• إياك أن تنسى ما أبصرت عيناك من عمل الله الواضح معك و نعمته عليك … احفظ وصاياه كما هي و علّمها أولادك وأولاد أولادك حتى ينظر كل الشعوب و يتعلّمون منكم مخافة الرب

المعنى ده كمان يتكرر في إصحاح 8: لا تنسى تأديبات الله و عمله معك و وقت العبودية في مصر ثم الجوع و العطش و الحيات المحرقة في البرية و كيف أنقذك الله من هذه كلها … لئلا يرتفع قلبك إذا رأيت خير و راحة أرض الموعد فتنسى الله

• إياك أن تترك الوصية الأولى (تحب الرب إلهك من كل قلبك و فكرك) لأنه إذا صار لك أصنام في حياتك، لن يكون لك بركة و استمرار في أرض الموعد، بل ستتشتّتون في الأرض … و حتى بعد ذلك إذا رجعتم إلى الرب بكل قلوبكم، تجدونه (و ده اللي حصل بعدها بحوالي 900 سنة في السبي)

و يذكّر موسى الشعب بذلك اليوم العظيم على جبل حوريب لمّا ربنا سلّمه ال10 وصايا مكتوبين على لوحين باصبع الله
نقدر نشوف الكرتون ده

• إصحاح 6 فيه الوصية العظمى: (اسمع يا إسرائيل: الرب إلهنا رب واحد. فتحب الرب إلهك من كل قلبك ومن كل نفسك ومن كل قوتك.)، و ربنا أوصى الشعب يتكلم بوصاياه و يضعها على ملابسه و أبواب بيته لئلا ينساها أبداً بل يحفظها و يعمل بها
• بعد كده جاءت آية (إياه وحده تعبد) لأنهم داخلين على أرض فيها وثنية و أصنام … و إصحاح 7 يشدد على تحريم سكان هذه الأرض و الأصنام اللي فيها مع السبب بوضوح: إذا قطعت لهم عهداً أو ناسبتهم، سيجرّونك إلى عبادتهم

تثنية 6 و 8 فيها ال3 ردود اللي ربنا يسوع ردّ بها على تجربة الشيطان في متى 4:
ليس بالخبز وحده يحيا الإنسان، بل بكل ما يخرج من فم الرب يحيا الإنسان (تثنية 8 : 3)
لا تجربوا الرب إلهكم (تثنية 6 : 16)
الرب إلهك تتقي، وإياه تعبد (تثنية 6 : 13)

• إصحاح 9 و 10 فيها توضيح وتذكير للشعب بخطاياهم التي أغاظت ربنا من ساعة خروجهم من أرض مصر (زي العجل الذهبي و تذمرهم على المَن و عدم ثقتهم في دخول أرض الموعد) … ربنا بيقول لهم: لن ترثوا الأرض من أجل برّكم بل من أجل إثم تلك الشعوب و لكي يفي بالقَسَم اللي أقسم به لإبراهيم

يبان كمان شفاعة موسى النبي في الشعب كل المرات دي كان دايماً بيصرخ لربنا إنه يرحم هذا الشعب … و ربنا من رحمته ومحبته للشعب يستجيب

• ربنا أوصاهم يخربوا أماكن العبادة الوثنية و يهدموا المذابح و السواري بتاعتهم و ميعملوش زيّهم إطلاقاً
• ربنا أوصاهم يقطعوا تماماً أي حاجة تخليهم يعبدوا آلهة أخرى (سواء نبي كذاب، أو شخص قريب جداً منك و عزيز عليك، أو حتى مدينة كاملة)

تبعية ربنا لازم تكون من كل القلب، و لازم ننقّي قلوبنا و أفكارنا من أي حاجة تبعدنا عن ربنا … و ده اللي ربنا قصده بقطع العثرات (إن أعثرتك عينك / أذنك …) أو (من أحب أباً أو أماً أو … أكثر مني فلا يستحقني)

• ربنا أعطاهم كمان وصية للأكل (المسموح بأكله من البهائم أو الأسماك أو الطيور)، و وصية العشور اللي بها بيفرّح الإنسان إخوته الفقراء معه لمّا يجيله خير (محصول الأرض) … العُشر كل سنة يقَدَّم في الهيكل، و كل 3 سنين عُشر تاني للفقراء اللي في المدينة
• و أوصاهم بسنة الإبراء (كل سبع سنين) اللي فيها كل واحد بيرِئ عبيده (من إخوته العبرانيين) و يبرِئ أي دَين له عند صاحبه … و روح الوصية هي الرحمة والكرم مع الفقير
• و أوصاهم بال3 أعياد الرئيسية اللي فيها الذكور لازم يروحوا لهيكل الرب: الفصح و الأسابيع (الخمسين) والمظال … الشعب كله ييجي يعيّد قدام ربنا بتقدمات و يفرح معه و به

• للقضاة:
  1. فحص الأمر قبل الحكم: مثلاً حكم الرجم على الشخص اللي عبد آلهة غير ربنا مينفعش يبقى مبني على شهادة شاهد واحد (ممكن يبقى يشهد زور) … لازم شاهدين أو 3 و القاضي يفحص في الأمر كويس بعدها

  الأمر انحدر لدرجة إن رؤساء الكهنة استعانوا بشهود زور عشان يشهدوا على السيد المسيح أنه جدّف

  2. عدم مخالفة الشريعة: لازم يمشي حسب الشريعة، و لو فيه حاجة مش عارفها يسأل الكاهن و يسمع كلامه … ميمشيش من دماغه ولا يطغى على الناس
• للملوك (ربنا كان عارف أن هذا الشعب سيطلب ملكاً أرضياً):
  1. حسب قلب ربنا: مينفعش يكون أجنبي
  2. اعتماده على ربنا فقط: لا يكثر الجيش زيادة، ولا يستعين بمصر مثلاً عشان يزوّد جيشه ولا يردّ الشعب إلى مصر
  3. لا يكثر النساء: عشان قلبه مايملش بعيد عن ربنا (زي اللي حصل بعد كده مع سليمان)
  4. مش طمعان في الدنيا: لا يكثر المقتنيات أو الذهب و الفضة
  5. يحفظ الشريعة: يكتب نسخة منها و يفضل يراجعها كل يوم و يمشي عليها طول حياته

بالنسبة للكهنة: ليس لهم نصيب في الأرض ولا الأملاك، بل الرب هو نصيبهم … يخدمون الهيكل و من الهيكل يعيشون (أجزاء من ذبائح الشعب + النذور و البكور والعشور)

• مدن الملجأ: و الهدف منها عدم عقاب القتل الخطأ بالإعدام
• عقاب الشهادة الزور: لو واحد شهد زور يُعاقَب بنفس العقاب اللي كان حد هيتعاقب به بسبب شهادته الزور … و على فم شاهدين أو 3 تكون الشهادة
• نظام الحرب:
  • ربنا هو اللي يعطي النصرة في الحرب، حتى لو الجيش الآخر أقوى بكتير … لازم الكاهن يقول كده للشعب قبل الحرب و يطمئنهم
  • أي حد خايف أو قلبه مش في الحرب (بسبب ارتباطات) يرجع عشان لا يقلل من عزيمة إخوته
  • البدء بمحاولة الصلح (و إذا استجابت المدينة الأخرى يصبح أهلها عبيداً بدون قتل (ده ينطبق على الشعوب البعيدة عن أرض الموعد، أما شعوب أرض الموعد فيجب أن تُحَرَّم تماماً من أجل نجاساتها)
• قوانين عديدة خاصة بالرحمة على الفقراء: عدم وجود ربا في القَرض، رد الرهن للفقراء، ترك بعض الخير للأرملة و اليتيم و الغريب …
• قوانين عديدة خاصة بالزواج و الطهارة و عقاب الجرائم و مواصفات خدّام ربنا …

مثلاً: شريعة أخي الزوج (اللي أخيه مات دون أن يكون له نسل): يتخذ زوجة أخيه زوجة له و ابنها البكر يُكتَب باسم الأخ المتوفي (لئلا ينقطع نسله من إسرائيل) … والشريعة دي هنشوفها بعد كده زي مثلاً قصة راعوث وبوعز (و كانت حصلت في قصة يهوذا وثامار)

• آخر وعظة لموسى النبي، يوصي فيها الشعب بطقس يفكّرهم بالوصية بطريقة واضحة: يقسموا نفسه جزئين: جزء على جبل عيبال يقول بركات طاعة الوصية، و جزء على جبل جرزيم يقول لعنات عصيان الوصية
• بركات الطاعة: البركة و الخير و السلام و الصحة و النسل الصحيح و الفرح بكل شيء
• لعنات العصيان كثيرة جداً و طويلة جداً و صعبة جداً … عكس بركات الطاعة اماماً، و فيها نبوات دقيقة حصلت فعلاً بعد كده (إن الناس كانت تأكل أولادها من الغلاء، و بعد كده السبي)
• لكن بتشجيع رائع ربنا يوعد هذا الشعب إنه في حالة التوبة (العودة إلى الرب من كل القلب و النفس) يرد الرب سبيهم حتى من أقاصي الأرض، ويمنحهم البركات كلها
• و تشجيع جميل إن الوصية سهلة و الكلمة (السيد المسيح) قريبة منك في فمك و قلبك لتعمل بها … يعني لو كلمة ربنا في قلبك هيبقى العمل بها مش صعب بل طبيعي لأن ده ميل القلب الجديد اللي ربنا يخلقه فينا

ده اللي حصل فعلاً … قبل السبي كان الشعب ده وصل إلى أسوأ مراحله و أبعدها عن ربنا، لكن في السبي كان فيه قديسين (زي دانيال و ال3 فتية و حزقيال و طوبيا و أستير) و الشعب معظمه تعلم الدرس و تابوا … و النتيجة إن ربنا ردّهم بمعجزة إلى أرضهم وحريتهم

ماعدا شمعون اللي مع لاوي قتل حمور شكيم … واضح إن عكس سبط لاوي (سبط موسى و هارون و الكهنة) سبط شمعون لم يتُب

وينتهي السفر بجملة مختصرة جميلة عن موسى النبي: ولم يقُم بعد نبي في إسرائيل مثل موسى الذي عرفه الرب وجهاً لوجه