قديسين

القديس أريانوس والي أنصنا

قصة فيها رجاء عظيم عن سفّاح ومضطهد (قلب حجري أسوَد تماماً) .. ترجّعه نعمة ربنا للإيمان و ينال أعلى الدرجات (الاستشهاد)

بطاقة القديس

صورة القديس
  • الزمن : استشهد سنة 305م
  • البلد : أنصنا (المنيا) - مصر
  • الملوك :
    • الإمبراطور دقلديانوس
  • أهم الأعمال :
    • من أكتر الناس اللي تسبّبت في الاستشهاد (قتل مئات الآلاف من المسيحيين)
    • آمن بربنا و استشهد على اسمه و أصبحت قصته مصدر رجاء لأي حد فينا مهما بِعِد عن ربنا
  • الأعياد :

الاضطهاد

وحشية أريانوس ضد المسيحيين

الإيمان

إيمانه على يد فليمون و أبلانيوس

الاستشهاد

استشهاده على يد دقلديانوس

الاضطهاد

  • كان والي على أنصنا (الشيخ عبادة حالياً في المنيا)
  • كان الذراع اليمنى للإمبراطور دقلديانوس .. كان دقلديانوس لمّا يحب يعاقب أحد من المسيحيين يرسله إلى أريانوس لأنه عنيف جداً في طريقة تعذيبه للمسيحيين
  • كان يبيد أحياناً قرى أو مدن كاملة (إسنا / أنصنا / أخميم) .. و فيه شهداء معروفين استشهدوا على يديه منهم مثلاً: الأم دولاجي وأولادها - مارجرجس السكندري - أبسخيرون القليني - تيموثاوس الشماس و مورا زوجته - أبادير وإيرائي أخته - القديس بقطر
  • الشهيد قلتة الطبيب كان أخو زوجة أريانوس

الإيمان

  • كان فيه مغني اسمه فليمون له صاحب زمّار اسمه أبلانيوس آمنوا واعترفوا بالمسيح قدام أريانوس
  • ربطهم أريانوس على شجرة و كان بينشّن عليهم بالقوس و السهم .. كانت السهام مش بتيجي فيهم أو بترتدّ عنهم كأنهم لابسين دروع .. اتغاظ و قرّب منهم و نشّن .. فالسهم ضرب في عينه و طيّرها
  • أريانوس اتغاظ جداً وأمر بقتلهم .. قالوا له: لو رجّعنا لك عينيك دلوقتي لن تؤمن بل هاتتّهمنا بالسحر .. لكن بعد ما نموت ابقى خد تراب من على قبرنا و اتشفّع بينا، ربنا يشفي عينيك فتؤمن
  • حصل فعلاً وآمن

الاستشهاد

  • أعلن إنه مسيحي و بدأ يخرج المسيحيين من السجون في أنصنا
  • وصل الكلام إلى دقلديانوس .. ماصدّقش واستدعى أريانوس اللي رفض السجود للأوثان
  • دقلديانوس عذّبه و لمّا مالقاش نتيجة أمر بقتله (قبل ما يؤمن بسببه ناس كتير)
  • أمر بوضعه في كيس رمل مقفول و رميه في البحر … فمات أريانوس على اسم المسيح
  • ربنا أعدّ درفيل يرجّع جسده لمصر تاني .. وأخذ المؤمنون جسده ووضعوه مع فليمون و أبلانيوس

  • تقدر تعمل account على الموقع من هنا و تحتفظ بالمعلومة على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالمعلومة دي مع بعض
  • تقدر تعمل download للمعلومة على الجهاز بتاعك

كلّمنا

🤔 إيه رأيك في الملخص ده و طريقة عرضه؟ هل ساعدك تعرف أكتر عن القديس العظيم ده و نشأته و جهاده؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً