ملخصات

ملخص المجامع و أبطال الإيمان

ملخص بسيط لفترة البدع و الهرطقات بعد عصر الاستشهاد ... و إزاي أبطال الإيمان في كنيستنا الأرثوذكسية قدروا يحافظوا على الإيمان المستقيم

أبطال الإيمان هم جدودنا اللي موجودين في مجمع القداس لدورهم العظيم في الحفاظ على الإيمان
تعالوا نعرف باختصار مين أهم أبطال الإيمان و إيه التحديات اللي واجهتها الكنيسة في فترة البدع و الهرطقات


كلمة

كلمة عن تاريخ الكنيسة من مارمرقس لمجمع خلقيدونية

ملخص

ملخص لأهم الشخصيات الشخصيات اللي جات في الفترة دي

دروس

إيه اللي نقدر نتعلّمه من الفنرة دي في تاريخ الكنيسة

كلمة

كلمة عن ملخص تاريخ الكنيسة في عصر البدع و الهرطقات من نهضة العدرا 2019 للدكتور كاميل متياس


ملخص

  • القديس مارمرقس الرسول

    • 61م ل 68م
    • الإسكندرية - مصر
    • بطرك #1 لكنيسة مصر
    • أسّس الكنيسة
    • بشّر إنيانوس الإسكافي ... اللي أصبح البطرك رقم 2
    • عن القديس مارمرقس

  • القديس بطرس خاتم الشهداء

    • 302م ل 311م
    • الإسكندرية - مصر
    • بطرك #17 لكنيسة مصر
    • وقت دقلديانوس و الاضطهاد على المسيحية و الشهداء (زي مارجرجس)
    • صلّى قبل ما يستشهد: يا رب خلّيني أكون آخر واحد في عصر الاستشهاد ده
    • هو ده اللي حصل معاه معجزة السيدة اللي عمّدت ابنها بدمها لما السفينة غرقت
    • بعدها انتهى عصر الاضطهاد ... و بدأ عصر الهرطقات

  • أريوس

    • الإسكندرية - مصر
    • أول مهرطق كبير
    • كان فيه كاهن اسمه أريوس ... فكّر في السيد المسيح بطريقة غلط
    • احنا بنقول: واحد مع الآب في الجوهر (أوموسيوس) ... زي ما ربنا يسوع قال: أنا و الآب واحد
    • أريوس قال: لأ ... يسوع (أومويسيوس) يعني مشابه مش مساوي ... يعني أقل منه ... حرف واحد لكن الفارق قاتل

  • البابا أرشيلاوس

    • 311م ل 312م
    • الإسكندرية - مصر
    • بطرك #18 لكنيسة مصر
    • ماطوّلش كتير (كانت مرحلة انتقالية)

  • البابا ألكسندروس

    • 312م ل 328م
    • الإسكندرية - مصر
    • بطرك #19 لكنيسة مصر
    • ساعتها (وقت الملك قسطنطين) كانت بدعة أريوس انتشرت ... فاجتمع 318 من أساقفة من حول العالم في مجمع نيقية
    • البابا ألكسندروس أخد 20 أسقف من مصر ... و تلميذه أثناسيوس
    • المجمع حرم أريوس و بدعته ... و طلع بقانون الإيمان (لحد قبل: نعم نؤمن بالروح القدس) ... اللي كتبوا القانون ده 3، منهم 2 من مصر: البابا ألكسندروس و القديس أثناسيوس
    • عن مجمع نيقية

  • القديس أثناسيوس الرسولي

    • 328م ل 372م
    • الإسكندرية - مصر
    • بطرك #20 لكنيسة مصر
    • وقت نياحة الباب ألكسندروس، كان أثناسيوس مشهور ساعتها جداً في المجتمع المسيحي
    • بسبب مجمع نيقية، حلّت ضيقات كتيرة جداً و عذابات كنير على أثناسيوس ... سنين كتيرة جداً (36 سنة) و حروب كتيرة لأن أريوس كان لسة موجود و بيهيّج الناس و الامبراطور ضد القديس أثناسيوس بكل الطرق
    • الناس قالت: العالم كله ضدك يا أثناسيوس ... قال لهم: و أنا – بالمسيح – ضد العالم ... يعني أنا ماشي على الإيمان الصحيح مهما حصل
    • عن القديس أثناسيوس

  • البابا بطرس التاني

    • 373م ل 379م
    • الإسكندرية - مصر
    • بطرك #21 لكنيسة مصر
    • قعد 5 سنين و 9 شهور بس ... برضه في ضيقات و مشاكل بسبب أريوس

  • البابا تيموثاوس

    • 379م ل 385م
    • الإسكندرية - مصر
    • بطرك #22 لكنيسة مصر
    • فترة مرتاحة نسبياً خصوصاً بعد مجمع القسطنطينية
    • اهتم ببناء الكنايس

  • مقدونيوس

    • القسطنطينية
    • تاني مهرطق كبير
    • بدعته: أنكر لاهوت الروح القدس
    • اتعمل مجمع القسطنطينية ... و كمّلوا قانون الإيمان (من أول: نعم نؤمن بالروح القدس)
    • عن مجمع القسطنطينية

  • البابا ثاؤفيلس

    • 385م ل 412م
    • الإسكندرية - مصر
    • بطرك #23 لكنيسة مصر
    • لما كان هو و أخته أطفال (أيام القديس أثناسيوس)، توفى والدهم و والدتهم ... و ربّتهم مربّية من الحبشة ... لما لقاهم القديس أثناسيوس استغرب شكل المربّية السمراء مع الأطفال ... سألها بعد القداس: مين دول؟ قالت له ... قال لها: سيبيهم لي، أنا هاربّيهم
    • كبر ثاؤفيلس و بقى شماس ثم قس ثم مدير مدرسة الإسكندرية اللاهوتية
    • أخته تزوّجت و خلّفت القديس كيرلس عامود الدين
    • وقتها كان الامبراطور هو ثيئودوسيوس الكبير ... مسيحي و عصره كان عصر تعمير كبير

  • نسطور

    • القسطنطينية
    • تالت مهرطق كبير
    • بدعة نسطور: ماينفعش الإله تجوز عليه الآلام ... و بالتالي فيه انفصال بين لاهوت السيد المسيح و ناسوته ... و اللاهوت انفصل عن الناسوت وقت اللآلام و الصليب
    • طبعاً ده معناه خطير جداً لأن ببساطة معناه إن الصليب تمثيلية مش فداء ولا حاجة
    • تم الرد عليه و حرمه في محمع أقسس
    • عن مجمع أفسس

  • القديس كيرلس عامود الدين

    • 412م ل 444م
    • الإسكندرية - مصر
    • بطرك #24 لكنيسة مصر
    • وقتها ظهر نسطور
    • عملوا مجمع أفسس ... القديس كيرلس قال إن طبيعة السيد المسيح طبيعة واحدة: لاهوت متّحد بالناسوت .. بغير اختلاط ولا امتزاح ولا تغيير
    • و شبّهها لهم: قال: زي اتحاد الحديد بالنار .. لو ضربت: الضربة في الحديد ... لكن النار لم تترك الحديد ... و ربنا يسوع لاهوته لم يفارق ناسوته أبداً
    • و العدرا ولدت الله الظاهر في الجسد (القدوس المولود منك يُدعى ابن الله) ... و لقبها (ثيئوتوكوس) يعني والدة الإله
    • وضعوا مقدمة قانون الإيمان (نعظّمك يا أم النور الحقيقي)
    • عن القديس كيرلس

  • أوطاخي

    • القسطنطينية
    • رابع مهرطق كبير
    • طلع واحد رئيس دير ببدعة عكس بدعة نسطور: أنكر ناسوت السيد المسيح .. قال ده المسيح جه في بطن العدرا زي الخيال ... صورة للناسوت بس مش ناسوت حقيقي
    • عملوا مجمع استئنافي لمجمع أفسس
    • حاول يتراجع عن كلامه و قال خلاص أنا تراجعت عن أفكاري
    • كان كبير في السن (85 سنة) ... فسامحوه

  • لاون

    • روما
    • خامس مهرطق كبير
    • بطرك روما
    • قال: لآ، كلام أوطاخي مش مظبوط
    • لكن طلع في بدعة تانية: بدعة نسطور تاني
    • و كتب مجموعة قوانين عٌرفت ب(طومس لاون) .. و اتقسمت الكنيسة بعد مجمع خلقيدونية
    • عن مجمع خلقيدونية

  • القديس ديوسقوروس

    • 444م ل 454م
    • الإسكندرية - مصر
    • بطرك #25 لكنيسة مصر
    • تلميذ البابا كيرلس و تلميذه ... و حضر البِدَع اللي فاتت
    • كان موجود في مجمع أفسس الاستئنافي ... و هو اللي حاجج أوطاخي
    • للأسف أوطاخي لم يتب فعلاً ... و كان الامبراطور مرقيان ساعتها قال نعمل مجمع تاني و نناقش تاني (في القسطنطينية)
    • كان مجمع كبير جداً لكن كانوا خايفين من الإمبراطور ... الإمبراطور ماجاش أول يوم
    • قال: خلاص نعمله في خلقيدونية (قرية من قرى نيقية، قريبة من القسطنطينية)
    • و فعلاً اجتمعوا .. لكن بدل ما يناقشوا بدعة أوطاخي، ناقشوا طومس لاون
    • طبعاً القديس ديوسقورس قاوم الفكر ده ... و المجمع عمل حيلة دنيئة: قالوا خلاص ناخد 5 أيام أجازة و نجتمع تاني نشوف
    • لما رجع القديس ديوسقورس للفندق اللي كان فيه، لقى العساكر مانعينه من الخروج
    • عقدوا المجمع من غيره ... و بعتوا له .. و قالوا إن مارضيش ييجي (رغم إنه محبوس) ... و قالوا عليه إنه منحاز لبدعة أوطاخي ... و أسائوا إليه و عذّبوه
    • في اليوم الخامس من الحبس قالوا له: يا تمضي على طومس لاون يا نعذّبك ... قال لهم: ماشي هامضي .. لما جابوه له كتب: محروم كل من وقّع على هذا الطومس
    • كسروا سنانه و نتفوا دقنه ... فلما جه واحد يزوره، قال له: خد الأسنان و الشعر ده لكنيستي الإسكندرية و قل لهم: ده الجهاد من أجل الإيمان
    • نفوه لجزيرة عند تركيا هو و 4 أساقفة مصريين ... الناس اللي فيها كانوا وثنيين أو نسطوريين (النوعين ضايقوه) ... لكن ربنا أعطاه موهبة شفاء الأمراض ... فآمن كل من في الجزيرة بالمسيحية الصحيحة
    • تنيّح في الجزيرة دي ... و الكنيسة بتعتبره من المعترفين
    • طبعاً كنيسة الإسكندرية تحمّلت اضطهادات كتير جداً من الإمبراطور للتمسك بالإيمان و رفض طومس لاون
    • مجمع خلقيدونية كان بداية الانقسام بين الأرثوذكس (الإسكنردية و بعض الكنائس) و الكاثوليك (كنيسة روما)
    • عن القديس ديوسقوروس

  • القديس ساويرس الأنطاكي

    • مدينة اسمها سوزوبوليس في بيسيدية (في آسيا الصغرى اللي هي بين تركيا و سوريا دلوقتي)
    • بطرك أنطاكية
    • كان بتربطه علاقة روحية قوية ببطرك الإسكندرية (الأنبا ديوسقورس)
    • ساعده وقت مجمع خلقيدونية
    • و برضه ده خلاه يشوف اضطهاد كبير
    • و هرب على مصر متخفّي ... و حصلت معاه معجزة جميلة تظهر كرامته
    • عن القديس ساويرس


دروس

نتعلّم إيه؟

الحفاظ على الإيمان حاجة صعبة و مكلّفة جداً ... و آبائنا أبطال الإيمان تحمّلوا عذابات كتير جداً عشان يوصل لنا الإيمان الصحيح

يا ريت نعرف إيماننا الصحيح و نتمسّك به و بجهاد آبائنا القديسين و نحافظ عليه و نسلّمه من جيل لجيل

  • تقدر تعمل account على الموقع من هنا و تحتفظ بالمعلومة على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالمعلومة دي مع بعض
  • تقدر تعمل download للمعلومة على الجهاز بتاعك

كلّمنا

🤔 إيه رأيك في الملخص ده و طريقة عرضه؟ هل ساعدك تعرف ملخص أحداث و شخصيات الفترة دي في تاريخ الكنيسة؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً