درس كتاب

الإحباط وقت الانتصار

أستاذ عادل ألفونس

الموضوع: كلمة عن إحباط إيليا رغم انتصاره على أنبياء البعل (ملوك الأول 19) .. إيه أسباب هذا الإحباط المفاجئ و إزاي ربنا تعامل معه و عالجه

وعظة الإحباط وقت الانتصار - برنامج فتح كلام - أستاذ عادل ألفونس

الإحباط و الحزن طبيعي يحصلوا في الأزمات ... حتى لأشدّ الرجال
بس ليه في الظروف الصعبة ساعات أقدر أعتمد على ربنا و أنتصر، بينما لما الظروف تتحسن يجيلي إحباط بدل ما أفرح؟؟


هروب إيليا و إحباطه

  • أعظم انتصار في حياة إيليا:
    موقعة جبل الكرمل: بعد ما هزم أنبياء البعل و تاب الشعب و كسب مواجهة عظيمة و نزّل النار و المطر ... زي ما نقدر نسمع هنا
    توقّعنا بعدها إن إيليا يتشجّع أكتر و أكتر ... لكن اللي حصل إن إيليا جاله إحباط و اكتئاب
  • جاله رسول من إيزابل ... قالت له إنها هاتقتله زي ما قتل أنبياء البعل
  • فأرسلت إيزابل رسولاً إلى إيليا تقول: «هكذا تفعل الآلهة و هكذا تزيد، إن لم أجعل نفسك كنفس واحد منهم في نحو هذا الوقت غداً».

    ملوك الأول 19 : 2
  • إيليا هرب و راح البرية و قال لربنا: كفاية كده يا رب ... كفاية خدمة و تعب و مواجهات ... مش قادر ... خذ نفسي

فلما رأى ذلك قام و مضى لأجل نفسه، و أتى إلى بئر سبع التي ليهوذا و ترك غلامه هناك.
ثم سار في البرية مسيرة يوم، حتى أتى و جلس تحت رتمة و طلب الموت لنفسه، و قال: «قد كفى الآن يا رب. خذ نفسي لأنني لست خيراً من آبائي».
واضطجع و نام تحت الرتمة.

ملوك الأول 19 : 3 ل 5

ليه الإحباط ده؟

  • المشاكل قلّت عليه مازادتش
  • التهديد من إيزابل مش حاجة جديدة ... بالعكس، ده إيليا ارتاح من معظم مشاكله:
    1. الملك آخاب انبسط بالمطر و بقى في هدنة مؤقتة معاه
    2. أنبياء البعل انتصر عليهم
    3. الشعب بدأ يرجع لربنا و اعترف أن الرب هو الله
  • يعني إيليا بعد ما كان عايش 3 سنين و نُص من حياته في حالة هروب و تهديد، بدأ الوضع يتحسّن و الصيقات تقِلّ ... ليه الإحباط؟
  • هل كتر المواجهات و استمرارها بيحبط؟
  • بس ليه بعد الآيات العظيمة دي يقول "بقيت أنا وحدي" و ينسحب (ما هو كان دايماً متعوّد يكون وحده، بل الشعب بدأ يرجع و كان فيه رجال للّه زي عوبديا حتى لو مش في المواجهة)؟

كيف تعامل الله معه؟

طبطب عليه و شجّعه

و إذا بملاك قد مسّه و قال: «قم و كُل».
فتطلع و إذا كعكة رضف و كوز ماء عند رأسه، فأكل و شرب ثم رجع فاضطجع.

ملوك الأول 19 : 5 و 6

ربنا شجّع إيليا و أكّله (زي المن كده: خبز الملائكة يعني الخبز الذي تحمله الملائكة ... زي شعب إسرائيل زمان)

اعتنى بيه عناية خاصة

ثم عاد ملاك الرب ثانية فمسّه و قال: «قم و كُل، لأن المسافة كثيرة عليك».
فقام و أكل و شرب، و سار بقوة تلك الأكلة أربعين نهاراً و أربعين ليلة إلى جبل الله حوريب،
و دخل هناك المغارة و بات فيها. و كان كلام الرب إليه يقول: «ما لك ههنا يا إيليا؟».
فقال: «قد غرت غيرة للرب إله الجنود، لأن بني إسرائيل قد تركوا عهدك، و نقضوا مذابحك، و قتلوا أنبياءك بالسيف، فبقيت أنا وحدي، و هم يطلبون نفسي ليأخذوها».
فقال: «اخرج و قِف على الجبل أمام الرب».

ملوك الأول 19 : 7 ل 11

وإذا بالرب عابر و ريح عظيمة و شديدة قد شقت الجبال و كسرت الصخور أمام الرب، و لم يكُن الرب في الريح.

ملوك الأول 19 : 11

و بعد الريح زلزلة، و لم يكُن الرب في الزلزلة.

ملوك الأول 19 : 11

و بعد الزلزلة نار، و لم يكُن الرب في النار.

ملوك الأول 19 : 12

و بعد النار صوت منخفض خفيف.
فلما سمع إيليا لفّ وجهه بردائه و خرج و وقف في باب المغارة، و إذا بصوت إليه يقول: «ما لك ههنا يا إيليا؟»
فقال: «غرت غيرة للرب إله الجنود، لأن بني إسرائيل قد تركوا عهدك، و نقضوا مذابحك، و قتلوا أنبياءك بالسيف، فبقيت أنا وحدي، و هم يطلبون نفسي ليأخذوها».

ملوك الأول 19 : 12 ل 14

شغّله و إدّاله مهمة

فقال له الرب: «اذهب راجعاً في طريقك إلى برية دمشق، و ادخل و امسح حزائيل ملكاً على أرام،
و امسح ياهو بن نمشي ملكاً على إسرائيل،
و امسح أليشع بن شافاط من آبل محولة نبياً عوضا عنك.

ملوك الأول 19 : 15 و 16

الخروج من الإحباط

هو مَسَح إليشع بس (عمل تلت المهمة بس، و أليشع كمّل الباقي) ... لكن ربنا لم يغضب عليه، بل كرّمه و أخده حيّ في مركبة نارية

اللي طلب الموت وحده في يأس ... مات في مركبة نارية و كرامة عظيمة و تلميذه شايفه

  1. الله لا يستغنى عن أولاده و لا يتركهم
  2. الله يفهمنا حتى لو إحنا مش فاهمين نفسنا
  3. الله يستطيع أن يعالج إحباطنا

فيه وقت للمواجهة و وقت للرعاية و إنك تسلّم اللي بعديك ... لكن في الآخر ربنا هو اللي بيسوق مش أنا ... و في الآخر هدفه يستخدمني للخير و يفرّحني

  • تقدر تعمل account على الموقع من هنا و تحتفظ بالوعظة على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالوعظة دي مع بعض
  • تقدر تعمل download للوعظة على الجهاز بتاعك

كلّمنا

🤔 إيه رأيك في الوعظة دي و طريقة العرض و التلخيص؟ هل سمعت بتركيز و خرجت بدرس مفيد و تدريب حلو؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً