ملخص كتاب

رحلة صوم الميلاد - مقدمة

  • معلومات بسيطة تمهّد لنا عن صوم الميلاد
  • دكتور بيشوي فايز
  • 5 دقايق قراية
  • رحلة صوم الميلاد

عن صوم الميلاد

صوم الميلاد عبارة عن 43 يوم:

  1. 40 يوم صيام استعداد لاستقبال السيد المسيح (زي ما موسى صام 40 يوم قبل استقبال الشريعة في العهد)
  2. 3 أيام تذكار معجزة نقل جبل المقطم في وقت القديس سمعان الخراز و البابا إبرام ابن زرعة

ليه صوم الميلاد؟

  • صوم الميلاد هو رحلة استعداد.. تستعد الكنيسة وتهيئ شعبها لاستقبال الكلمة المتجسد ليحل بالإيمان فى قلوبنا وندرك عظمة هذا السر (الله ظهر في الجسد)
    إننا في هذا الصوم نكون كمن يفرش و يهيئ المذود لاستقبال المولود الإلهي .. و لكن هذه المرة، في قلوب بسيطة متواضعة .. قلوب خاشعة مصلّية متهلّلة مداومة على التسبيح و الصلاة، لكي يأتي المخلّص و يسكن فيها .. فيجعل القلب سماء و مكان لسكناه
  • صوم الميلاد هو التسبيح و السهر و الفرح بانتظار ميلاد المخلّص
    و الصوم هو وسيلة روحية نقترب بها من الله ونتوب عن الخطايا والضعفات التي تبعدنا عن الله وندرب أنفسنا على الشبع بكلمة الله والفرح بمحبته. يا ريت كلنا نصوم هذا الصوم ويكون صومنا مقدساً ومقبولاً ونستعد لمجئ المسيح داخل قلوبنا ويملك على حياتنا

التسبيح في صوم الميلاد

صوم الميلاد يتميز جداً إنه فيه شهر كيهك (لأن الصوم ينتهي 29 كيهك الموافق 7 يناير) .. شهر التسابيح و الألحان المبهجة الجميلة اللي تفرّح القلب

  • التسبيح هو أرقى أنواع الصلوات ... شكر و تمجيد لله مع طلب مغفرة خطايانا فقط
  • التسبيح هو عمل الملايكة و هم يشاركوننا في التسبيح .. فنحن نصلّي للرب يسوع قائلين:

    انت الذي أعطيت الذين على الأرض تسبيح السيرافيم .. إقبل منّا نحن أيضاً أصواتنا مع غير المرئيين ... إحسبنا مع القوات السمائية

    القداس الغريغوري
  • التسبيح هو ترتيل للإيمان ... الكنيسة رتّبت صلواتها و تسابيحها من خلال عقيدتها ... فنجد نصوص من مجمع أفسس موجودة في الثيئوتوكيات إعلاناً لعقيدة الكنيسة أنها أم الله بالحقيقة
  • التسبيح هو ما يغرس في النفس فرحاً و شبعاً بالرب يسوع ... فيصير الإنسان متهللاً بالروح، يحيا في لطف و وداعة، ينمو في الفضائل المسيحية

الكتاب موجود في مكتبة كنيستنا و بيقدّم وجبة روحية يومية لكل يوم من أيام الصوم ... و كمان تقسيم لأسابيع الصوم المختلفة ... هانتابع بإذن ربنا كل أسبوع


  • تقدر تعمل account على الموقع من هنا و تحتفظ بالملخص على صفحة ال account بتاعك
  • تقدر تعمل share للصفحة دي مع أصحابك و كنيستك عشان نستفيد بالملخص ده مع بعض
  • تقدر تعمل download للملخص على الجهاز بتاعك

كلّمنا

🤔 إيه رأيك في الملخص ده و طريقة اختيار الكتب؟ هل قرأت بتركيز و خرجت بدرس مفيد شجّعك تقرأ الكتاب الأصلي؟
🥰 إيه اللي عاجبك و حابب نركّز عليه أكتر؟
💡 إيه اللي مش عاجبك و حاسس إننا لازم نعمله أحسن؟ إزاي نطور و نحسن نفسنا؟
أي تعليق أو اقتراح هيفيدنا جداً