ترتيب الصوم الكبير

تقسيم الصوم

• الصوم الكبير مدته 55 يوم ... و بييجي قبل عيد القيامة (اللي معاده بيتغير من سنة للتانية) ... عشان كده بدايته بتتغيّر من سنة للتانية
• الصوم الكبير دايماً بيبدأ يوم الاتنين، و بيكون قبله يومين رفاع (السبت و الحد) ... و من أول الرفاع بنقرأ من القطمارس الخاص بالصوم الكبير.

1. أول 7 أيام: أسبوع الاستعداد
2. بعد كده 40 يوم اللي صامهم السيد المسيح بعد ما اتعمّد من يوحنا و قبل ما يبدأ خدمته
3. بعد كده سبت لعازر ... تذكار اليوم اللي احتفل فيه لعازر و مريم و مرثا بالسيد المسيح و عملوا له وليمة لأنه أقام لعازر من الأموات
4. بعد كده طبعاً أعظم أسبوع في السنة: أسبوع الآلام اللي بيبدأ من يوم حد السعف و بينتهي بيوم سبت النور

طبعاً ما يميّز الصوم الكبير هو الصوم الانقطاعي و قداسات الضهر (في كل الأيام ما عدا السبت و الحد) ... بنفتكر إن ربنا صام عنا 40 يوم كاملين
و الهدف من الانقطاع مش بس ضبط الجسد ... الهدف إننا نشبع من الصلاة و القداسات و التناول
مش زي آدم ولا عيسو اللي عشان الأكل ضيّعوا حاجات عظيمة ... احنا عارفين إن ليس بالخبز وحده يحيى الإنسان بل بكل كلمة تخرج من فم الله
عشان كده بنزوّد في الصوم الكبير: الصلاة و القداسات و الصوم الانقطاعي و الصدقات و التوبة الحقيقية و قراية الكتاب المقدس

آحاد الصوم

• حد الرفاع: قرائاته من متى 6 (إزاي نصلّي و نصوم و نتصدّق صح) لأن دول أساس الصوم الكبير
• الأول: حد الكنوز: قرائاته من متى 6 (لا تكنزوا لكم كنوزاً على الأرض) عن طلب الملكوت السماوي و عدم الاهتمام بالأكل و الشرب و اللبس
• التاني: حد التجربة: قرائاته من متى 4 (انتصار السيد المسيح على الشيطان عندما حاول تجربته بعدما صام) يبين لنا إن الصوم و الصلاة و الكتاب المقدس هم اللي يدونا الغلبة في حربنا مع الشيطان
• التالت: حد الابن الضال: قرائاته من لوقا 15 (نموذج عظيم للتوبة و قبول الله للتائب) يبين لنا فرح ربنا بتوبتنا و قبوله ليها مهما كنا وحشين
• الرابع: حد السامرية: قرائاته من يوحنا 4 (نفس ربنا هو اللي راح لها و دوّر عليها عشان تخلص) يبين لنا إنه حتى لو موضوع التوبة و الخلاص شايفينه بعيد و التغيير مش في ذهننا و ماعندناش ماضي كويس، برضه ربنا هو اللي بيدوّر علينا و يجذبنا ليه و يقبلنا
• الخامس: حد المخلع: قرائاته من يوحنا 5 (واحد ظروفه في منتهى السوء و بقى له 38 سنة كده ... لكن برضه ربنا شفاه) يقول لنا مانيئسش مهما حصل و مهما كانت الخطية مبهدلانا ... ربنا هيشفينا لو لسة عايزين نبرأ
• السادس: حد المولود أعمى: قرائاته من يوحنا 9 يرمز للاستنارة بكلمة ربنا

آحاد الصوم الكبير : تأمل رائع عن الصوم الكبير كقصة حب بيننا و بين ربنا .. و ترتيب آحاد الصوم و معنى كل منها

قداسات الصوم الكبير بيضاف لها النبوات في باكر ... و مش بيكون فيه عشية (ماعدا عشية يوم الأحد) لأن القداسات بتكون الضهر
الطقس بيختلف بين الأيام (من الاتنين للجمعة) و بين (السبوت و الآحاد):

1. في الأيام: بتصلّى ال 7 سواعي و مش بنستخد الدف في الألحان و بتكون القداسات الضهر و بيكون فيه ألحان خاصة
2. في السبوت و الآحاد: بتصلّى التالتة و السادسة بس و بتكون القداسات الصبح و بيكون فيه ألحان خاصة

نقدر نلاقي ألحان الصوم الكبير في مكتبة الألحان ... تعالوا نفتكر الألحان الجميلة دي :)

التجربة : إزاي ربنا قدر يغلب الشيطان، و إزاي نغلب إحنا كمان

• الكنوز : تأمل من كتاب (أحد الكنوز)
• الابن الضال : تأمل من كتاب (رآه أبوه .... فتحنن)
• السامرية : تأمل من كتاب (بئر الماء الحي)
• المخلع : تأمل من كتاب (أتريد أن تبرأ؟)
• المولود أعمى : تأمل من كتاب (كنت أعمى)

---

بركة الصوم الكبير تكون معانا آمين