بانوراما تاريخية للعهد القديم

آدم

---

4000 أو 5000 ق.م.
تكوين 1 ل 3
أهم الاحداث: الخليقة و السقوط

نوح

---

3000 أو 4000 ق.م.
تكوين 6 ل 9
أهم الاحداث: الطوفان و تجديد الخليقة

إبراهيم

---

2000 ق.م.
تكوين 12 ل 25
أهم الاحداث: العهد (الوعد بالبركة و النسل و الأرض) و ذبح إسحق

أيوب

---

قريب من زمن إبراهيم
سفر أيوب
أهم الاحداث: تجربته و شفاءه

من أول إبراهيم يبدأ العهد القديم بين ربنا و نسل إبراهيم ... و بعد كده إسحق - يعقوب - يوسف
و من يوسف نزلت عائلة يعقوب إلى مصر

بعد كده بفترة مات يوسف و فرعون و كل الجيل ده، و جه فرعون جديد خاف من كثرة العبرانيين و تحوّلهم لشعب كبير ... حاول يقتل كل طفل ذكر منهم ... لكن ربنا باركهم

• سفر الخروج اللي بنقرا فيه:
  1. ميلاد موسى و نجاته من الموت ثم لقاءه بربنا عند العليقة زي ما نشوف في الكارتون ده
  2. الخروج من مصر بعد الضربات ال10 و الفصح زي ما نشوف في الكارتون ده
  3. استلام الشريعة و تدشين خيمة الاجتماع و تكريس هارون و بنيه كهنة
  4. من هنا بنبدأ رحلة 40 سنة في البرية زي ما نشوف في الصورة دي

الأحداث دي زمنياً حصلت حوالي سنة 1500 ق.م.
بقية أسفار التوراة (لاويين - عدد - تثنية) بتحكي الشريعة و رحلة موسى بالشعب في البرية لحد ما وصلوا على ضفة نهر الأردن ... و مات موسى

• سفر يشوع اللي بنقرا فيه:
  1. قصة راحاب هذه المرأة العظيمة اللي ساعدت الجاسوسين و قالت لهم على خوف شعب أريحا من معجزات ربنا مع شعبه زي ما نشوف في الكارتون ده
  2. شق الأردن و عبوره زي منظر الخروج زي ما نشوف في الكارتون ده
  3. سقوط أريحا و بعدها باقي مدن أرض الموعد زي ما نشوف في الكارتون ده
  4. من هنا يشوع قسّم الأرض على الأسباط زي ما نشوف في الصورة دي

بعد موت يشوع و الجيل ده، يبدأ شعب الله يتأثر بعادات و طباع شعوب أرض الموعد اللي ماطردهاش
سفر القضاة يحكي لنا دايرة متكررة (خطية الشعب - ذلهم على يد الشعوب المحيطة - توبتهم و صراخهم للّه - الله يرسل لهم قائد يخلّصهم - يعيشوا فترة في سلام)

في الوقت ده نسمع (زي راحاب) عن أمميات يدخلوا في خطة خلاص ربنا
زي راعوث اللي انضمت لشعب ربنا و أصبحت جدة داود

الفترة دي بنقرا عنها في سفري صموئيل (أول و تاني) و ملوك (أول و تاني) و أخبار الأيام (أول و تاني) ... و نقدر نقول إن مملكة إسرائيل هنا عدّت ب 4 مراحل

1. بداية المملكة:
   شاول الملك اللي بدأ كويس لكن خالف ربنا و ربنا رفضه
2. ازدهار المملكة:
   في عهد داود و سليمان
3. انقسام المملكة:
   لمملكة شمالية (إسرائيل اللي فيها 10 أسباط و نصف) و مملكة جنوبية (يهوذا اللي فيها سبط يهوذا و نصف سبط بنيامين)
4. السبي:
   سبي إسرائيل على يد أشور ثم يهوذا على يد بابل

خلال فترة الملوك، ربنا أرسل أنبياء للمملكة الشمالية و الجنوبية برسالة توبة حتى لا يأتي العقاب

للأسف الملوك لم يستجيبوا لنداء التوبة و الشعب زاد في فساده ... فحصل سبي للمملكة الشمالية الأول على يد أشور ثم المملكة الجنوبية على يد بابل

وقت السبي كان وقت فيه بان ولاد ربنا الأتقياء اللي نوّروا زي النجوم ... منهم:

1. دانيال و ال3 فتية:
   اللي خلوا نبوخذنصر يمجد إله إسرائيل
2. حزقيال:
   النبي و الكاهن الأمين اللي شاف ربنا زي سفر الرؤيا
3. أستير:
   الملكة الشجاعة اللي أنقذت شعبها كله من الفناء
4. يهوديت:
   أرملة شابة تدخّلت و أنقذت شعبها الضعيف من هزيمة ساحقة أكيدة ... و قِدرت تحافظ على عفّتها بفضل صومها و صلاتها و شجاعنها و تمسُّكها بربنا
5. طوبيا:
   شخصية رائعة، مزيج بين صبر أيوب الصديق و شجاعة و إصرار دانيال في الغربة و كرم أبونا إيراهيم
6. باروخ:
   راح بابل برسالة من إرميا النبي للشعب المسبي اللي بقي في أورشليم

بعد 70 سنة من السبي (زي نبوة إرميا) رجع اليهود أورشليم تاني في عهد كورش ملك قارس (زي نبوة إشعياء)

و كان فيه أنبياء ما بعد السبي اللي سندوا الشعب العائد و تنبأوا عن مجيء السيد المسيح

1. حجي:
   اللي شجع الشعب على بناء الهيكل (وقت زربابل)
2. زكريا:
   زكريّا في نبوّته بيجاوب على اليهود المحبطين اللي كانوا مستنيين المسيح بعد العودة من السبي على طول رغم عدم استعداد الشعب
3. ملاخي:
   آخر أنبياء العهد القديم اللي جه برسالة توبة و استعداد لمجيء المسيح

آخر 400 سنة قبل السيد المسيح كانت فترة بلا أنبياء و فترة صعبة على شعب ربنا و فيها تقلبات كتيرة سياسية و حروب عالمية

زي ما ربنا فسّر لدانيال في الرؤيا، فيه تعاقب ل 4 ممالك عالمية (بابل - فارس - اليونان - الرومان)

بعد الإسكندر الأكبر (اليونان) اتقسمت المملكة ... و جه ملك كان صعب جداً على اليهود و حاربهم و أذلّهم بشدة و دنّس الهيكل
و في الوقت ده بنسمع عن أبطال قدروا يطهروا الهيكل و يستردوا حكم إسرائيل هم المكابيين

بعد كده حكم الرومان العالم ... سابوا المكابيين شوية لكن للأسف الأسرة دي ضعفت و بعدت عن ربنا
لحد ما ناسبوا الملك هيرودس الكبير (الأدومي) اللي في زمنه جه السيد المسيح